Bagara | Egiten dugu | Histeria Kolektiboa

NOR GARA | ZER EGITEN DUGU

HISTERIA 2013an sortu zen erakundea da eta hasiera-hasieratik izan ditu
feminismoak bere ekoizpen-lanen oinarrian. Urteotan guztietan, gizartean
ikusezinen bihurtutako errealitateak ikusgai jartzeko eta erakusteko tranpolin
bihurtzen saiatu da eta, batez ere, aurrez ezarritako arau sexu-generikoen
haustura eta emakumeen aniztasuna jatorrian dutenena.

Garatutako proiektuek diskurtsoarekin zein formekin lotutako eztabaida
berriak sortzen lagundu dute. 7 urteotan egindako bideari esker, lesbianak
ordezkatzeko moduetan tarte bat sortu da; horregatik, emakumeen harreman
sexu-afektiboen eta sexualitateen inguruko imajinarioa zabalduko duten
materialak sortzeko lana bultzatzen jarraitzeko beharra hauteman du
erakundeak.

Gainera, esperientziak esaten digu eraldaketa soziala bultzatzeko ez dela
nahikoa baliabide materialak sortzearekin eta amaierako produktuak
izatearekin; izan ere, horiek bezain garrantzitsuak edo are garrantzitsuagoak
dira prozesuak. Horregatik, gure proiektuetan, hasiera-hasieratik, proiektua
osatzen duten pertsonen, proiektuaren deia sumatzen duten eragileen,
pertsonen sarea eratuz proiektuan parte hartu nahi duten partikularren eta
proiektuak beste batzuekin batera eratu nahi dituzten erakundeen potentziak
bateratu ahal izateko gunea edo komunitatea (proiektuaren arabera) sortzea
errazten dugu.

NOR GARA?

Egungo koordinazioa esku-hartze sozialetik eta kultur ekoizpenetik dator. Oinarritzat diziplina-aniztasuna hartzen dugu eta integratzaile bihurtzen dugu, proiektu bakoitzak mugitzen duen funtsezko esentzia bilatuz.

Koordinazioa: María Salazar eta Udane HerFer.

Bazkide sortzaileak: Paula Iglesias, Marisol Gil, Verónica Mas, Meme Millán, María Salazar, Ana Serna.

SAREAK

–WikiToki, elkarsorkuntzarako laborategia. ‘Elkar-’ aurrizkia konexio komun gisa daukan gizarte/kultura/ekonomia/politika I+G laborategi honetako kide gara.

–Espazioak trukatzeko sarea. Bilbo Zaharra, San Frantzisko eta Zabala auzoetan espazio fisikoa/lokala duten eragile/kolektibo/enpresa/elkarte eta partikularren artean baliabideak/espazioak partekatzeko plataforma honetako kide gara. Elkar ezagutzeko, baliabideak eta espazio-beharrizanak partekatzeko eta gure artean harremanetan jartzeko aitzakia. Beste batzuek egiten dutena ezagutzeko eta bestelako harreman edo elkarlan batzuk sortzeko aukera. #RIEbilbao

Proiektuak partekatzerakoan alboan izan ditugun edo oraindik ere alboan ditugun lagunak:

–Sarean. San Frantzisko, Zabala eta Bilbo Zaharra auzoetako kohesio soziala eta garapen komunitarioa indartzeko adierazpen kultural orori irekita dagoen auzokoen topalekua.

–Pikara Magazine. Kalitatezko kazetaritza, ikuspegi feminista, kritiko, urratzaile eta gozagarria oinarritzat hartuz.

–Zinegoak. Bilboko gaylesbitrans nazioarteko zinema eta arte eszenikoen jaialdia.

–La Fundición. 1986tik: Bilboko sorkuntza garaikidea erakutsi eta dinamizatzeko lekua da.

–Azala. buru biko proiektu bat da, proiektu kultural bat eta ostatu turistikoko proiektu bat konbinatzen dituena. Definizioaren jatorrian, Lasierran (Araba) dagoen sorkuntza-espazio bat.

–EHUko Arte Ederren Fakultatea.

–Kancaneo Teatro. Valentziako keinu bidezko eta inprobisaziozko antzerki-konpainia.

–Munduko medikuak. Pertsona guztien, eta bereziki herri ahulen, baztertuen edo hondamendi naturalak, goseteak, gaixotasunak, gatazka armatuak edo indarkeria politikoa jasan dituzten herrien osasunerako eskubidea gauzatzeko lan egiten duen elkarte independentea.

FINANTZAKETA

Histeria Kolektiboak finantzaketa mistoaren eredua du. Batetik, ikus-entzunezko lanak edo sorkuntza kulturaleko zerbitzuak behar dituztenei zerbitzuak ematen dizkie. Eta bestetik, Karpinteriako urteko programazioa hainbat erakunde publikok argitaratzen dituzten norgehiagoka motako dirulaguntzen ildoetara aurkezten dugu.

2013an, Voces Propias proiektua EBko Gazte Programak babestu zuen.

2014an, Karpinteriako jarduerak Eusko Jaurlaritzaren Hezkuntza, Hizkuntza Politika eta Kultura Sailaren laguntza jaso zuen Sormen Lantegien eta Eremuak programaren bidez.

2015ean, Karpinteriako programazioak Eusko Jaurlaritzaren Hezkuntza, Hizkuntza Politika eta Kultura Sailaren laguntza jaso zuen Sormen Lantegien bidez, eta baita Bizkaiko Foru Aldundiaren Euskara eta Kultura Sailaren laguntza ere.

2016an, Muelle3 eta Puerta taldeek etapa bat amaitu ostean, Karpinterian betiko bizirik iraungo duen materiala utzi ziguten. Karpinteriako programazioak Eusko Jaurlaritzaren Hezkuntza, Hizkuntza Politika eta Kultura Sailaren laguntza jaso zuen Sormen Lantegien bidez, eta baita Bizkaiko Foru Aldundiaren Euskara eta Kultura Sailaren laguntza ere.

2017an eta 2018an, Karpinteriako jarduerek Eusko Jaurlaritzaren Hezkuntza, Hizkuntza Politika eta Kultura Sailaren laguntza jaso zuten Sormen Lantegien bidez, eta baita Bizkaiko Foru Aldundiaren Euskara eta Kultura Sailaren eta Emakunderen laguntza ere.

LAGUNAK

Geure gorputzez gain, beste gorputz batzuk ere behar izaten ditugu beti Karpinteriako programazio guztiari ekiteko. Eskerrik asko gure ibilbidean bidelagun ditugun adiskide guztiei euren eskuzabaltasun eta berotasunagatik, bereziki honako hauei:

-Ikus-entzunezko erregistroa. Victoria Ascaso. Terri Florido.

-Ekoizpenerako laguntza: Sol Benavente, Magdalena Planas, Iratze Suberri, Eneritz García, Haizea Murgia, Anna Mezz, Beatriz Perales, Patricia Lorenzo, Amalia de la Mata, Marta Valverde.

-Itzulpenak: Oneka Álvarez. Lore Bilbao.

PROYECTOS

Residencias

Las Bastardas

La Karpintería

Klinika

DEGENERADXS

Cuerpos en resistencia