Zinegoak 2023

Zortzigarren urtez jarraian lan egiten dugu Zinegoakekin. Hasteko, Karpinteriako film labur arraroak programatu genituen, gero Mag de Santoren «Inundación» antzezlana, Rio Paraná kolektiboaren «T.R.A.U.M.A.» podcast-a eta Amaia Álvarez Uria eta June Fernándezen «Nola esan/izan bollera euskaraz» proiektua.

Aurten bi proiekturen ziklo berri bati ekin diogu, bata bisexualitateari eta komunitate euskaldunari buruzko «BiZi» da, Oli Artolak June Fernandezekin koordinatua, eta bestea Eszter Katalin artistaren «Queer (Un) Belongings». Prozesu horiek bi urte irauten dute, egonkortasun handiagoa lortzeko asmoz. Zinegoaken eta Histeriaren artean finantzatzen eta ekoizten ditugu, baina bi kasuetan beti dago taldearen lan militantea, aurrekontu oso doitua duten proiektuak baitira.

Karpinteriaren garaian ezagutu genuen Eszter, Tabakaleran bizi zen, opildegien arteko zainketen urrakortasunari buruz lanean, eta Histeriara etorri zen proiektuan lan egin zezaketen performer-ak aurkitzera. Harrezkero, harremanari eutsi diogu, eta, orain, «Queer (Un) Belongis» en ekoizpenean sartu gara, lan kulturalari, migrazioari eta disidentzia sexogenerikoari buruzko proiektu batean.Zinegoak Jaialdiaren 20. edizioan, ekainaren 24an, larunbata, «Queer (Un) Belongins» filmaren proiekzioaz gozatu ahal izango duzue, eta ondoren, Gerry, Atic, Camila eta Anais protagonistekin eta Eszter zuzendariarekin solasaldia izango duzue. Gauean, BiZi festan, proiektuaren fanzinea lortu ahal izango duzue, eta editatu ditugun eta Zinegoaken webgunean osorik ikus ditzakezun pertsona bisexualei egindako 10 elkarrizketen laburpen-bideoa ikusi.